बारामती : महाराष्ट्र टुडे लाईव्ह न्यूज
बारामती येथे अटल इनोव्हेशन सेंटरच्या उद्घाटन सोहळ्याच्या कार्यक्रमात आपल्या प्रास्ताविकात बोलताना,संस्थेचे चेअरमन राजेंद्र पवार यांनी कृषी महाविद्यालय व कृषी शिक्षणातील अडचणींबाबत खुलासा केला व हे सेंटर उभे करताना वेगवेगळ्या अडचणी आल्या,या अडचणीबाबत आपण उपमुख्यमंत्री अजित पवार यांच्यासोबत पाच बैठका देखील झाल्या मात्र कोणताही निर्णय या बैठकीत झाला नाही अशी तक्रार केली.याचाच आधार घेत उपमुख्यमंत्री अजित पवार यांनी आपल्या भाषणात बोलताना सांगितले,की “आज गडी लय जोरात आहे”थांबायचे नावचं घ्याय नाय..! एखाद्याकडून काम करून घ्यायचे असेल तर त्याला उभा आडवा न करता काम गोडीगुलाबीने काम करून घेतले पाहिजे.
मात्र त्यांच्या भाषणात सारखे चिमटे होते.अशा शब्दात अजित पवारांनी राजेंद्र पवारांना कोपरखळी लगावली.अजित पवार यांच्या वक्तव्यावर सभागृहात चांगलाच हशा पिकला.यावेळी मुख्यमंत्री उद्धव ठाकरे व ज्येष्ठ नेते शरद पवार व्यासपीठावर उपस्थित होते. होते.यानंतर मुख्यमंत्री उद्धव ठाकरे यांनी आपल्या भाषणात बोलताना, अजित पवारांच्या व राजेंद्र पवारांच्या बोलण्याचा संदर्भ पकडत,तुम्ही दोघांनी आधी ठरवा आणि मग माझ्याकडे या आपण ते काम करण्याचा प्रयत्न करू दादांनी कामात जर काही आडकाठी आणली तर आपण पवार साहेबांकडे जाऊन ते काम करू असे म्हणताच सभागृहात मात्र एकचं हशा पिकला.यावेळी स्टेजवर राष्ट्रवादीचे सर्वेसर्वा शरद पवार,मुख्यमंत्री उद्धव ठाकरे,मुख्यमंत्र्यांच्या पत्नी रश्मी ठाकरे,आमदार रोहित पवार व मोठं मोठे उद्योगपती उपस्थित होते.
