मुंबई : महाराष्ट्र टुडे लाईव्ह न्यूज
राष्ट्रवादी महिला काँग्रेसच्या प्रदेशाध्यक्ष रुपाली चाकणकर यांची राज्य महिला आयोगाच्या अध्यक्षपदी अधिकृत निवड करण्यात आली आहे.या निवडीबाबतचं पत्र रुपाली चाकणकर यांना आज मिळाल आहे.राज्य महिला आयोगाला अखेर दीड वर्षानंतर अध्यक्ष मिळाला आहे.४ फेब्रुवारी २०२० रोजी विजया रहाटकर यांनी राज्य महिला आयोगाच्या अध्यक्षपदाचा राजीनामा दिला होता.तेव्हापासून हे पद रिक्त होतं.
राज्यात गेल्या काही दिवसांत महिला अत्याचाराच्या घटना वाढत असून,अशावेळी भाजप आणि अन्य विरोधकांकडून महाविकास आघाडी सरकारवर जोरदार हल्ला चढवला जात होता.महिला सुरक्षेबाबत हे सरकार गंभीर नसल्याचा आरोप केला जात होता.भाजप नेत्या चित्रा वाघ यांनीही महिला आयोगाचं अध्यक्षपद रिक्त असल्यामुळे राज्य सरकारवर अनेकदा टीकास्त्र डागलं आहे.अशावेळी अखेर ठाकरे सरकारनं रुपाली चाकणकर यांची राज्य महिला आयोगाच्या अध्यक्षपदी
अधिकृत निवड केली आहे.
