मुंबई : महाराष्ट्र टुडे लाईव्ह न्यूज नेटवर्क…
चित्रपटसृष्टीसाठी आजचा दिवस काळा दिवस ठरला आहे.गानसम्राज्ञी लता मंगेशकर यांचे निधन झाले आहे. वयाच्या ९२ व्या वर्षी गानकोकिळेने या जगाचा
कायमचा निरोप घेतला आहे.मागील ८ जानेवारीपासून
मुंबईतील ब्रीच कँडी रुग्णालयातील त्यांच्यावर उपचार सुरु होते.त्यांना कोरोनाची लागण झाली होती,शिवाय त्यांना न्यूमोनियाचे निदान झाले होते.मात्र आठवड्या भरापूर्वी त्यांनी कोरोनावर मात केली होती.आणि त्यांच्या प्रकृतीत हळूहळू सुधारणा होत असल्याची माहिती त्यांच्यावर उपचार करणा-या डॉक्टरांनी दिली होती.पण शनिवारी पुन्हा एकदा त्यांची प्रकृती खालावली आणि त्यांना व्हेंटिलेटवर ठेवण्यात आल्याचे वृत्त आले होते. अखेर उपचारादरम्यान दीदींनी अखेरचा श्वास घेतला. त्यांच्या निधनाने चित्रपटसृष्टीसह देशात शोककळा पसरली आहे.
