बारामती : महाराष्ट्र टुडे लाईव्ह न्यूज नेटवर्क ( संपादक : विकास कोकरे )
पुण्यातील हडपसर परिसरात बारामती येथील रियल डेअरीचे चेअरमन मनोज तुपे यांच्यावर एमपीएससीचा अभ्यास करणाऱ्या एका २७ वर्षीय तरुणीने बलात्कार केल्याचा गुन्हा दाखल केला होता आता तो गुन्ह्याचा प्रकार होत नाही तोपर्यंत दूधाचे बिल वाढवून देऊ असे म्हणत विश्वास संपादन करीत रियल डेअरी इंडस्ट्रीज प्रा.लि.आणि फॉर्च्यून डेअरी यांनी संगनमत करून पांडुरंग दूध संकलन केंद्र आंधळगाव यांची तब्बल 51 लाख 51 हजारांची फसवणूक केल्याप्रकरणी चौघांविरोधात मंगळवेढा पोलीस ठाण्यात फसवणुकीसह जिवे मारण्याची धमकी दिल्या प्रकरणी भारतीय दंड संहिता १८६० चे कलम ४२० ५०६,३४ कलमान्वये गुन्हा दाखल करण्यात आलाय.याप्रकरणी बंडू सुखदेव लेंढवे ( दूध डेअरी व्यवसायिक ) यांनी फिर्याद दिली आहे..मनोज कुंडलिक तुपे ( रा.बारामती ) प्रवीण शिवाजी तावरे ( दूध संकलन अधिकारी ),बाबूराव नकाते ( दूध संकलन अधिकारी ),सुशांत ज्ञानदेव शिर्के अशी गुन्हा दाखल झालेल्या संशयित आरोपींची नावे आहेत…
११ जानेवारी ते २९ जानेवारी २०२२ या कालावधीत ही घटना घडली आहे. फिर्यादीत नमूद केल्याप्रमाणे २०१२ पासून फिर्यादी लेंडवे हे आंधळगाव येथे पांडुरंग दूध संकलन नावाने डेअरी व्यवसाय करत असून २०१९ साली फिर्यादींनी संशयित आरोपी बाबुराव नकाते यांच्या सांगण्याप्रमाणे २०२० पासून मनोज तुपे यांच्या करार करून रियल डेअरी आणि फॉर्च्यून डेअरी ला दूध पाठवण्यास सुरुवात केली.दर दिवसाला तब्बल १० ते १२ हजार लिटर दूध संकलन करून पाठवण्यास सुरुवात केली.त्यानंतर २०२१ मध्ये तुपे यांनी सबसिडी मिळेल या हेतूने करंट खाते काढण्यास सांगितले..त्या दुधाचे बिल देखील खात्यावर पाठवीले मात्र ११ जानेवारी ते २९ जानेवारी पर्यंत पाठवलेल्या दुधाचे तब्बल ५१ लाख ५१ हजार खात्यावर पाठवले नाहीत..
शेतकऱ्यांनी मात्र लेंडवे यांच्याकडे पैशासाठी तगादा लावला होता. त्यांना पैसे मागितले असता तू जर पूर्ण बारामतीत आला आणि दुधाचे लक्ष मागणी केली तर तुझ्यावर खोटा गुन्हा दाखल करून तुला जेलमध्ये टाकतो नाहीतर तुला मारूनच टाकतो अशी धमकी तुपेंनी दिल्याने लेंढवे यांनी बारामतीला जाणे बंद केले..त्यानंतर मात्र तुपे यांनी जुलै २०२२ मध्ये रियल डेअरी चा काटा कर्मचारी यांच्यासोबत दुधाचे वजन वाढवून घेतल्याचा आरोप करत बारामती तालुका पोलीस ठाण्यात गुन्हा दाखल केला.यानंतर देखील बिल मागितल्यानंतर लेंढवे यांचे पैसे बुडवण्याचे हेतून तुपे हे टाळाटाळ करीत असल्याचे निदर्शनास आल्याने तसेच बिल मागितल्यास पुन्हा खोटी पोलीस केस करेल आणि जिवंत ठेवणार नाही अशी तुपेंनी धमकी दिल्याचे फिर्यादीने फिर्यादीत म्हटले आहे.मंगळवेढा पोलिसांनी याप्रकरणी गुन्हा दाखल करून तपास सुरू केला आहे…
