बारामती : महाराष्ट्र टुडे लाईव्ह न्यूज नेटवर्क…
संभाजी ब्रिगेड संघटनेचे प्रदेशाध्यक्ष प्रवीण गायकवाड यांना अक्कलकोट येथे शाई फासत धक्काबुक्की झाली होती.याच्या निषेधार्थ संभाजी ब्रिगेडच्या वतीने बारामती शहरात भिगवन चौक येथे निषेध सभा घेतली होती,त्याचा राग मनात धरून संभाजी ब्रिगेडचे पुणे जिल्हाध्यक्ष प्रशांत राजेंद्र पवार यांना दमदाटी करत जीवे मारण्याची धमकी देण्यात आलीये.याप्रकरणी बारामती शहर पोलीस ठाण्यात BNS-189(1),189(2),190,126,352,351 (2)351(3)महाराष्ट्र पोलीस कायदा कलम 1951 चे कलम 37 (1),(3) अशा विविध कलमांनव्ये पाच जणांवर गुन्हा दाखल करण्यात आलाय. किरण साळुंखे,वैभव रविंद्र साळुंखे,शुभम साळुंखे,तिघेही ( रा.भाग्यनगर भवानीनगर ता.इंदापूर,जि.पुणे ) अक्षय चव्हाण ( रा.तांदुळवाडी ) राहुल मदने ( रा.प्रगतीनगर बारामती ) कालीदास ढाणे ( रा.भवानीनगर ता.इंदापूर,जि.पुणे ) अशी गुन्हे दाखल झालेल्या आरोपींची नावे आहेत..
याबाबत सविस्तर माहिती अशी की संभाजी ब्रिगेड संघटनेचे प्रदेशाध्यक्ष प्रवीण गायकवाड यांना अक्कलकोट येथे शाई फासत धक्काबुक्की झाली होती.या शाईफेकीच्या हल्ल्याचे व्हिडीओ समोर आले होते.शाईफेक करणाऱ्यांनी प्रवीण गायकवाड यांच्यावर शाईफेक केल्यानंतर जोरदार घोषणाबाजी केली होती. प्रवीण गायकवाड यांना गाडीतून बाहेर खेचत धक्काबुक्की देखील केली.तसेच संघटनेचं नाव छत्रपती संभाजी महाराज ब्रिगेड करणार ना ? नाव बदलणार ना ? असा जाब देखील विचारला होता.यानंतर राज्यभरातून या घटनेच्या विरोधात निषेध व्यक्त करण्यात आला होता.यावेळी संभाजी ब्रिगेडचे पुणे जिल्हाध्यक्ष प्रशांत पवार यांनी प्रवीण गायकवाड यांच्यावर झालेल्या हल्ल्याच्या निषेधार्थ बारामती येथील भिगवण चौकात निषेध सभा घेतली होती.याचाच राग मनात धरून शिवधर्म फाउंडेशनचे दीपक काटे यांच्या सहकाऱ्यांनी पवार यांना सातव चौक येथील आकाश टी सेंटर येथे शिवीगाळ व दमदाटी करून जीवे मारण्याची धमकी दिल्याचा प्रकार घडल्याची फिर्याद पवार यांनी दिलीये..
