बारामती : महाराष्ट्र टुडे लाईव्ह न्यूज नेटवर्क..
बारामती तालुक्यातील वंजारवाडी मध्ये जुन्या भांडणाच्या कारणातून पाच जणांवर कोयत्याने वार झालेत. घटस्थापनेदिवशी काल सायंकाळी रात्री साडेआठच्या सुमारास वंजारवाडी येथील दत्त मंदिर समोर ही घटना घडली आहे.याप्रकरणी बारामती तालुका पोलीस ठाण्यात अमोल अण्णा चौधरी याच्या फिर्यादीवरून सात जणांविरोधात गुन्हा दाखल करण्यात आला आहे.ऋतिक उर्फ गुड्या मुळिक, ओम अर्जुन कुचेकर,अली मुजावर, दिपक भोलनकर, रवी माने,शुभम वाघ आणि तेजस हजारे यांच्यावर गुन्हा दाखल करण्यात आला आहे.
तर या हल्ल्यामध्ये सुनिल गोरख चौधर,अमोल आण्णा चौधर,भारत गोकुळ चौधर,सागर चंद्रकांत चौधर आणि आदित्य सर्जेराव चौधर हे पाच जण जखमी झाले आहेत.
पोलिसात दिलेल्या तक्रारी नुसार,सोमवारी 22 सप्टेंबर रोजी फिर्यादी अमोल आण्णा चौधर,भारत गोकुळ चौधर,सागर चंद्रकांत चौधर,आदित्य सर्जेराव चौधर, सुनिल गोरख चौधर हे सर्व व इतर नवरात्र उत्सव चालु असल्याने देवीची ज्योत राशीन येथुन मौजे वंजारवाडी येथे दत्त मंदिरासमोर घेउन आले.मंदिरासमोर पुजा पाठ करून पारंपारिक वाद्यावर उत्सव साजरा करित होते. त्याचवेळी रात्री. साडेआठ वाजण्याच्या सुमारास एक चारचाकी त्या ठिकाणी आली.
त्यातून मधुन ऋतिक उर्फ गुड्या मुळिक, ओम अर्जुन कुचेकर, अली मुजावर, दिपक भोलनकर, रवी माने,शुभम वाघ आणि तेजस हजारे होते. त्यांच्या हातात लोखंडे कोणते चाकू अशा पद्धतीची हत्यारे होती. त्यांनी दत्त मंदिरासमोर उभा असणाऱ्या फिर्यादी यासह त्यांच्या बंधुंवर हल्ला चढवला यामध्ये पाच जण गंभीर जखमी झाले.या घटनेनंतर शुभम वाघ,अली मुजावर आणि ओम अर्जुन कुचेकर या तिघांना बारामती तालुका पोलिसांनी ताब्यात घेतल आहे.यानंतर बारामती तालुका पोलीस ठाण्यात गुन्हा दाखल करण्यात आला असून पोलीस उपनिरीक्षक युवराज पाटील हे अधिकचा तपास करत आहेत.
