इंदापूर : महाराष्ट्र टुडे लाईव्ह न्यूज नेटवर्क..
आगामी विधानसभा निवडणुकीच्या तोंडावर इंदापूर मतदारसंघात भाजप नेते हर्षवर्धन पाटील यांनी आज सुसंवाद मेळाव्यात विविध विषयांवर भाष्य केले असून, लवकरच हर्षवर्धन पाटील आणि शरद पवार एका मंचावर येणार असून,हा कोणताही राजकीय मंच नसून माजी केंद्रीयमंत्री काँग्रेस नेते सुशीलकुमार शिंदे यांच्या अभिष्टचिंतनाच्या सोहळ्याला उपस्थित राहणार असून, या सोहळ्याला राष्ट्रवादी काँग्रेस शरद पवार पक्षाचे नेते शरद पवार हे देखील उपस्थित राहणार असल्याने राजकीय वर्तुळात चर्चाना उधाण आलेय..
माजी केंद्रीयमंत्री सुशील कुमार शिंदे यांचा अभिष्टचिंतन सोहळा पार पडणार आहे.आणि या सोहळ्याचं निमंत्रण मला खासदार धैर्यशील मोहिते पाटील यांनी दिलेले आहे या निमंत्रणाचा स्वीकार मी केलाय आणि त्यामुळे शरद पवारांसोबत मी एका मंचावरती या कार्यक्रमाला जाणार आहे.गेल्या काही दिवसांपासून सातत्याने हर्षवर्धन पाटील आणि शरद पवार हे एका मंचावर येताना दिसत आहेत..त्यामुळे हर्षवर्धन पाटील पवार गटात जाणार का ? असाही सवाल आता उपस्थित केला जातोय..
