पुणे : महाराष्ट्र टुडे लाईव्ह न्यूज नेटवर्क..
नाते संबंधांना काळीमा फासण्याचे प्रकार केव्हाच घडलेत.मात्र,आता कुटुंबात साधी माणुसकीही उरली नसल्याचे समोर येत आहे.असाच धक्कादायक प्रकार पुण्यात घडलाय.बदनामी करण्याची धमकी देऊन पुतण्याने चुलतीवर वारंवार लैंगिक अत्याचार केले आहे. याप्रकरणी पुतण्यावर पर्वती पोलीस ठाण्यात गुन्हा दाखल केला आहे. हा प्रकार एप्रील २०१६ ते डिसेंबर २०१९ दरम्यान कसबा पेठेत घडला आहे. याप्रकरणी ३७ वर्षीय महिलेने पर्वती पोलीस ठाण्यात फिर्याद दिली आहे.त्यानुसार पुतण्याविरुद्ध बलात्काराचा गुन्हा दाखल केला आहे..
पर्वती पोलिसांनी दिलेल्या अधिक माहितीनुसार,आरोपी हा फिर्यादी यांचा पुतण्या आहे.त्याने फिर्यादींसोबत लगट करण्याचा प्रयत्न केला असता त्या ओरडल्या.त्यावेळी आरोपीने मी तुझ्या मुलींना व नवऱ्याला तसेच सगळ्यांना सांगेन की तूच मला वरती बोलावून घेतले. फिर्यादी यांना बदनामी करण्याची धमकी देऊन त्यांच्या सोबत जबरदस्तीने शारीरिक सबंध प्रस्थापित केले.तसेच त्यांच्याकडून वारंवार पैसे उकळले.आरोपीकडून होत असलेल्या त्रासाला कंटाळून महिलेने गुरुवारी पर्वती पोलीस ठाण्यात तक्रार दिली.या गुन्ह्याचा अधिक तपास पोलीस उपनिरीक्षक मुळीक करीत आहेत..
