विशेष गुन्हे पथकातील पोलीस अंमलदार राहूल पांढरे व विजय वाघमोडे यांच्यावर माळेगावकरांकडून होतोय कौतुकांचा वर्षाव….
बारामती : महाराष्ट्र टुडे लाईव्ह न्यूज नेटवर्क…
पुणे ग्रामीणमध्ये वाढत्या गुन्ह्याचे अनुषंगाने कोम्बींग ऑपरेशन दरम्यान गावठी पिस्टलची शोध मोहीम हाती घेतली असता,विशेष गुन्हे पथक पोलीस कर्मचारी विजय वाघमोडे,राहुल पांढरे यांनी एकाला ताब्यात घेत त्याच्या ताब्यातील एका जिवंत काडतुसासह दोन गावठी बनावटीचे पिस्टल ताब्यात घेतले आहे.आकाश सुरेश हजारे,वय.२४ वर्षे ( रा.शिंदेवाडी,ता.माळशिरस,जि. सोलापूर ) सध्या रा.लकडेनगर,माळेगाव,ता.बारामती, जि.पुणे ) असे ताब्यात घेतलेल्या संशयित आरोपीचे नाव आहे.आरोपींवर माळेगाव पोलीस ठाण्यात भारतीय शस्त्र अधिनियम कलम ३ (२५),५ (२५),महाराष्ट्र पोलीस अधिनियम ३७ (१),(३) १३५ अनव्ये गुन्हा दाखल करण्यात आला आहे.याप्रकरणी माळेगाव पोलीस कर्मचारी विजय वाघमोडे यांनी फिर्याद दिली आहे.
याबबात सविस्तर माहिती अशी की,पुणे ग्रामीणमध्ये वाढत्या गुन्ह्याचे प्रमाण लक्षात घेता पुणे ग्रामीणचे पोलीस अधीक्षक अंकित गोयल यांनी माळेगाव पोलिसांना अभिलेखावरील संशयित आरोपींची वाहन झडती तसेच घरझडतीचे अभियान चालु होते.त्याच्या सुचनाचे पालन करत पोलीस निरीक्षक किरण अवचर यांनी आपल्या पथकाला सोबत घेवुन गावठी पिस्टलची शोध मोहीम हाती घेतली हददीमधील संशयित आरोपीचे वाहन घर झडती घेण्याचे काम चालु होते.माळेगाव पोलीस ठाण्याच्या हद्दीतील लकडेनगर येथील एकाचा सोशल मिडियावर व्हिडीओ विशेष गुन्हे पथकातील पोलीस अंमलदार राहुल पांढरे व विजय वाघमोडे यांना प्राप्त झाला.त्यानुसार पांढरे व वाघमोडे यांनी बातमी दारामार्फत बातमी मिळविण्याच्या सुमारास किरण अवचर यांनी पोलीस ठाण्याला हजर प्रयत्न केला तेव्हा बातमीदारामार्फत त्याना गोपनीय बातमीदाराचा फोन आला की, माळेगाव पिरबाब दर्गा मैदान येथे एकजण गावठी पिस्टल विक्रीसाठी येणार असल्याबाबत खात्रीशिर बातमी मिळाली तेव्हा पोलीस निरीक्षक किरण अवचर यांनी पथकाला बोलावुन या इसमावर कायदेशीर कारवाई करण्याचे आदेश दिल्यानंतर पोलिसांनी माळेगाव पिरबाब दर्गा मैदान येथे सापळा रचत ताब्यात घेत त्याची अंगझडती घेतली असता,त्याच्या कमरेला दोन गावठी पिस्टल व एक जिवंत काडतुस अंदाजे ५०,००० हजारांचा मुद्देमाल हस्तगत केला आहे.या गुन्ह्याचा अधिक तपास पोलीस उपनिरीक्षक देविदास साळवे हे करीत आहेत.
ही कामगीरी पुणे ग्रामीण पोलीस अधिक्षक अंकित गोयल,अप्पर पोलीस अधिक्षक आनंद भोईटे,बारामती उपविभागाचे पोलीस उपअधीक्षक गणेश इंगळे,पोलीस निरीक्षक किरण अवचर यांच्या मार्गदर्शनाखाली माळेगाव पोलीस स्टेशनचे पोलीस उपनिरीक्षक देविदास साळवे,विशेष गुन्हे पथकाचे पोलीस अंमलदार राहुल पांढरे,विजय वाघमोडे,ज्ञानेश्वर मोरे,नंदकुमार गव्हाणे, जयसिंग कचरे,सहा.फौजदार जयवंत ताकवणे यांच्या पथकाने केलेली आहे.
