भिगवण : महाराष्ट्र टुडे लाईव्ह न्यूज नेटवर्क…
सोलापूरकडून पुणे दिशेने अवैधरित्या गोमांस घेऊन जाणाऱ्या पीकअपला पुणे सोलापूर महामार्गावर मदनवाडी उड्डाण पुलावर अपघात झाला.वाहनचालकाचे नियंत्रण सुटल्याने पिकअप महामार्गावर पलटी होऊन त्यातील जनावरांचे मांस अक्षरशः महामार्गावर विखुरल्यामुळे घटनास्थळी असलेल्या नागरिकांनी संतप्त भावना व्यक्त केल्या.या अपघातामुळे महामार्गावरील एकेरी वाहतूक जवळपास अर्धा तास ठप्प झाली होती.
पोलिसांनी तत्काळ अपघातस्थळी धाव घेत वाहतूक सुरळीत केली.भिगवण पोलीस प्रशासनाच्या वतीने तात्काळ घटनास्थळी धाव घेवून परिस्थितीवर नियंत्रण मिळविले. यामध्ये पुणे च्या दिशेने वाहतूक करणाऱ्या पिकअपमधून (एमएच.०३.डीव्ही.१७९९) गोमांस वाहून नेले जात होते.ही घटना सकाळी ठीक ८ वाजण्याच्या सुमारास घडली.भिगवण पोलीस अधिक तपास करीत आहेत.
बातमी चौकट :
ही घटना सकाळी ८.०० वाजण्याच्या सुमारास घडली असून,ही घटना झाल्यानंतर ड्रायव्हर पळून गेलेला आहे.भिगवण पोलीस लवकरच ड्रायव्हरचा शोध घेऊन, गाडी कोणाची आहे.सोलापूर ते पुणे महामार्गावरून तो कोठे चाललेला होता.याबाबत माहिती घेऊन गुन्हा दाखल करण्याची प्रक्रिया सुरू करणार आहे.
गणेश इंगळे ( उपविभागीय पोलीस अधिकारी बारामती विभाग )
