अवघ्या २४ तासांत खुनाचा गुन्हा उघड ;आरोपींना ठोकल्या बेड्या….
भिगवण : मुख्यसंपादक विकास कोकरे
भिगवण पोलीस स्टेशनला मिळालेल्या महितीनुसार, भादलवाडी गावच्या हद्दीत असणाऱ्या निरा भिमा नदी जोड प्रकल्प येथील डपिग यार्डमध्ये टाकलेल्या दगडयांच्या ढिगाऱ्यावर एक अनोळखी पुरूप बॉडी पडलेली आहे.घटनेची माहिती मिळताच भिगवण पोलीस स्टेशनचे सहाय्यक पोलीस निरीक्षक दिलीप पवार,यांनी तात्काळ पोलीस स्टाफ यांना घेवुन घटनास्थळी धाव घेतली.या ठिकाणी अनोळखी पुरूष बॉडी ही अतिशय निघृणपणे गळा चिरलेल्या अवस्थेत पडलेली आढळून आली या अनोळखी मयताची ओळख पटविणे अत्यंत जिकरीचे असताना पोलीसांनी अत्यंत चिकाटीन मयताची ओळख पटवुन त्याचे नाव महेश दत्तात्रय चव्हाण, वय.३४ वर्ष (रा.रावणगाव, इरीगेशन कॉलनी,कांबळे वस्ती,ता.दौड,जि.पुणे )असे असल्याचे निष्पन्न झाले.त्यावरून त्याच्या नातेवाईकांना संपर्क साधुन त्यांना बोलावून घेतले.मयताचा भाऊ नितीन चव्हाण याने त्याचा भाऊ महेश याचा कोणीतरी अज्ञात इसमाने अज्ञात कारणावरून धारदार हत्याराने गळा चिरून खुन केला म्हणुन फिर्याद दिली. त्यानुसार भिगवण पोलीस स्टेशन येथे भा.द.वि कलम ३०२ प्रमाणे अज्ञात आरोपीविरूध्द गुन्हा दाखल करून तपास सुरू केला.
हा गुन्हा गंभीर स्वरूपाचा असल्याने,तसेच गुन्ह्याचे ठिकाण हे निर्जनस्थळ असल्याने या ठिकाणी गुन्हा घडकीस येण्याच्या दुष्ट्रीने कोणतेही पुरावे नसताना पवार यांनी तात्काळ टिम तयार करून,या गुन्हांयाच्या तपासामध्ये गोपनीय माहितीच्या आधारे मयत महेश चव्हाण,याची पत्नी हिचे गावातील घराशेजारी असणाऱ्या अनिकेत विकास शिंदे वय.२१ वर्ष ( रा.अकोले, समाजमंदिर शेजारी,ता.इंदापुर,जि.पुणे,)या सोबत प्रेमसंबंध असल्याची माहीती मिळाल्याने,मयताची पत्नी हिचा प्रियकर अनिकेत शिंदे याला ताब्यात घेत चौकशी केली असता तो उडवाउडवीची उत्तरे देवु लागला.यावेळी पोलीसांनी खाक्या दाखविताच त्याने महेश याच्या पत्नी सोबत प्रेमसंबंध असल्याने माझ्या प्रियसीला भेटता येत नव्हते.त्यामुळे महेश याच्या बदद्ल राग निर्माण झाला होता.त्यामुळे त्याने त्याचा चुलत भाऊ गणेश शिंदे यास मदतीस घेत महेशचा काटा काढण्याचे नियोजन केले.दोघांनी प्लॅनींग करून अकोले येथुन गप्पा मारण्याच्या बहाण्याने त्याच्या घरा पासुन थोड्या अंतरावर असलेल्या निरा भिमा नदी जोड प्रकल्पाच्या बोगदया जवळ डंपिग यार्ड येथे निर्जन स्थळी नेवुन त्याचा धारदार कोयत्याने गळा कापुन खुन केला असल्याचे तपासामध्ये निष्पन्न झाले,त्यामुळे त्यांना अटक करण्यात आली आहे. त्यांना इंदापूर न्यायालयात हजर करण्यात आले आहे.त्यांना ६ दिवस पोलीस कोठडी रिमांड देण्यात आली आहे.
ही कामगिरी पुणे ग्रामीण पोलीस अधीक्षक डॉ.अभिनव देशमुख
अप्पर पोलीस अधीक्षक मिलिंद मोहिते,उपविभागीय पोलीस अधीकारी नारायण शिरगावकर बारामती विभाग,स्थानिक गुन्हे शाखेचे पोलीस निरीक्षक अशोक धुमाळ यांच्या मार्गदर्शनाखाली भिगवण पोलीस स्टेशनचे प्रभारी सहाय्यक पोलीस निरीक्षक दिलीप पवार,पोलीस उपनिरीक्षक सुभाष रूपनवर,पोलीस पाटील विनायक दडस,पोलीस अंमलदार नाना वीर,विठल वारगड,समीर करे,सचिन पवार,महेश उगले,केशव चौधर,महेश माने,संदीप पवार,विजय लोढी,अतुल पठाण,पालसांडे, भांडवलकर,अंकुश माने,तसेच स्थानिक गुन्हे शाखेचे अभिजीत एकशिंगे,अनिल काळे, रवीराज काकरे यांनी केली आहे.
