मुंबई : महाराष्ट्र टुडे लाईव्ह न्यूज नेटवर्क…
मुख्यमंत्री एकनाथ शिंदे उपमुख्यमंत्री देवेंद्र फडणवीस सरकारला पालकमंत्री नेमण्यास अखेर मुहूर्त मिळाला आहे.सूत्रांनी दिलेल्या माहितीनुसार पुण्याचे पालकमंत्री पद चंद्रकांत पाटील यांच्याकडे,तर फडणवीस हे नागपूरचे पालकमंत्री असतील.बहुचर्चित औरंगाबादची जबाबदारी शिंदे गटाच्या संदीपान भूमरे यांच्याकडे देण्यात आली आहे.उपमुख्यमंत्री देवेंद्र फडणवीस हे नागपूर, वर्धा, अमरावती,अकोला,भंडारा, गडचिरोली या जिल्ह्याचे पालकमंत्री असतील. नियोजन मंत्री म्हणून त्यांच्याकडे या जिल्ह्यांची जबाबदारी असेल.
पालकमंत्री न नेमल्यामुळे विरोधी पक्षांकडून शिंदे-फडणवीस सरकारवर टीका करण्यात येत होती. पालकमंत्र्यांच्या ऐवजी यंदाच्या स्वातंत्र्यदिनी अधिकाऱ्यांच्या हस्ते ध्वजवंदन करण्यात आले हेाते. त्यावरूनही विरोधकांनी सरकारवर निशाणा साधला होता. तब्बल दीड महिन्यानंतर पालकमंत्रीपदाचा तिढा सुटला असून जिल्हानिहाय पालकमंत्री निश्चित झाली आहे.
जिल्हानिहाय पालकमंत्री पुढीलप्रमाणे :
राधाकृष्ण विखे पाटील : नगर, सोलापूर,
सुधीर मुनगंटीवार-चंद्रपूर, गोंदिया,
चंद्रकांत दादा पाटील- पुणे,
विजयकुमार गावित- नंदुरबार,
गिरीश महाजन- धुळे, लातूर, नांदेड,
गुलाबराव पाटील- बुलडाणा,
दादा भुसे- नाशिक,
संजय राठोड- यवतमाळ, वाशिम,
सुरेश खाडे- सांगली,
संदिपान भुमरे -औरंगाबाद (छत्रपती संभाजीनगर)
उदय सामंत- रत्नागिरी, रायगड
तानाजी सावंत-परभणी, उस्मानाबाद (धाराशिव)
रवींद्र चव्हाण- पालघर, सिंधुदुर्ग
अब्दुल सत्तार- हिंगोली,
दीपक केसरकर -मुंबई शहर, कोल्हापूर,
अतुल सावे- जालना, बीड,
शंभूराज देसाई- सातारा, ठाणे,
मंगलप्रभात लोढा -मुंबई उपनगर
