वालचंदनगर : महाराष्ट्र टुडे लाईव्ह न्यूज नेटवर्क…
अनैतिक संबंधाच्या संशयावरून एकाचा खून करून त्याचे हात व पाय बांधून व पोटाला सिमेंटच्या खांबाचा तुकडा बांधून नीरा नदीत फेकून दिल्याची घटना वालचंदनगर पोलीस ठाण्याच्या हद्दीत घडली आहे. याप्रकरणी वालचंदनगर पोलिसांनी संशयित आरोपी नवनाथ श्रीधर नवले सचिन श्रीधर नवले दोघेही (रा. दगड,अकोले,ता.अकोले,जि.सोलापूर) महेंद्र आटोळे (रा. सावळ,ता.बारामती,जि.पुणे) दादा हगारे (रा.पौंदवडी,ता. इंदापूर जि.पुणे ) साधना नवनाथ नवले (रा.दगड,अकोले ता.माढा,जि.सोलापूर ) या पाच जणांना ताब्यात घेतले असून,त्यांच्यावर वालचंदनगर पोलीस ठाण्यात भा.द.वि कलम ३०२,२०१,५०४, ५०६,(३४) अनुसूचित जाती जमाती अधिनियम ३(१),(r),(s),३(२),(v)(va),६ नुसार गुन्हा दाखल करण्यात आला आहे. याप्रकरणी मयताचे भाऊ सचिन संभाजी पाखरे,वय.३३ वर्षे ( रा.करकंभ बादलकोट,ता.पंढरपूर,जि.सोलापूर ) यांनी फिर्याद दिली आहे.विकास संभाजी पाखरे असे खून झालेल्या युवकाचे नाव आहे.
याबाबत वालचंदनगर पोलिसांनी दिलेल्या सविस्तर माहितीनुसार,पंढरपूर तालुक्यातील करकंभ जवळील बादलकोट येथील विकास संभाजी पाखरे या युवकाचा खून केल्याची धक्कादायक घटना घेतली होती. यातील खून झालेला युवक हा पशुखाद्याच्या वाहतुकीच काम करत होता.यातील पाचही आरोपींनी गावातील महिलेबरोबर अनैतिक संबंध असल्याचा संशय घेत त्याच्यावरती पाळत ठेवली होती.१० जुनला विकास पाखरे याला गाठवणे पाच जणांनी संगनमताने त्याचा खून केला आणि पुरावा नष्ट करण्याच्या हेतूने त्याचे हातपाय बांधून पोटाला सिमेंटच्या खांबाचा तुकडा वांदन नीरा नदीच्या पाण्यात फेकून दिले.विकास पाखरेची बॉडी नागरिकांना दिसल्यानंतर लोकांनी वालचंदनगर पोलिसांना कळविले असता,पोलिसांनी तात्काळ हा मृतदेह बाहेर काढत त्याची ओळख पटवून अवघ्या दोन दिवसात या खूनाचा छडा लावत पाच आरोपींना ताब्यात घेतले आहे. या पुण्याचा अधिक तपास उपविभागीय पोलीस अधिकारी बारामती विभाग गणेश इंगळे हे करीत आहेत.
या कारवाईत पुणे ग्रामीण पोलीस अधीक्षक डॉ.अभिनव देशमुख, अप्पर पोलीस अधीक्षक मिलिंद मोहिते, उपविभागीय पोलिस अधिकारी गणेश इंगळे, वालचंदनगर पोलीस ठाण्याचे सहाय्यक पोलीस निरीक्षक वीरप्पा लातूरे,सहाय्यक फौजदार अतुल खंदारे, शिवाजी निकम, पोलीस कर्मचारी रवींद्र पाटील, प्रमोद भोसले,अजित थोरात यांचे मोलाचे सहकार्य लाभले.
