महाराष्ट्र टुडे लाईव्ह न्यूज नेटवर्क…
संतशिरोमणी सावता महाराज यांचे सोलापूर जिल्ह्यातील जन्मगाव श्रीक्षेत्र अरण ३० एप्रिल २०२२ रोजी दु. १२.३० वा. सावता परिषदेच्या वतीने माळी समाजाच्या भव्य मेळाव्याचे आयोजन करण्यात आले असून प्रमुख अतिथी म्हणुन राज्याचे उपमुख्यमंत्री अजित पवार यांची उपस्थिती रहाणार असल्याची माहिती सावता परिषदेचे संस्थापक अध्यक्ष कल्याण आखाडे यांनी प्रसिध्दी पत्रकाद्वारे दिली आहे.
सन २०११ पासून दरवर्षी होणारा राज्यस्तरीय माळी समाज मेळावा आता एकप्रकारे परंपरेचा मेळावा होत असुन या मेळाव्यासाठी राज्याचे अन्न व नागरी पुरवठा मंत्री छगन भुजबळ,सामाजिक न्यायमंत्री धनंजय मुंडे, सोलापूरचे पालकमंत्री दत्तात्रय भरणे,महिला आयोगाच्या अध्यक्षा रुपाली चाकणकर यांच्यासह खा.अमोल कोल्हे, आमदार जयकुमार गोरे,मनीषा चौधरी,देवयानी फरांदे, प्रज्ञा सातव,बबनराव शिंदे,सतिश चव्हाण,संदीप क्षीरसागर,मा.आमदार अमरसिंह पंडित,आमदार प्रणिती शिंदे,यशवंत माने,संजय शिंदे,शहाजी पाटील, रंजनभाऊ गिरमे,नामदेव राऊत, शंकर बोरकर,संभाजी शिंदे आदी मान्यवरांना निमंत्रित करण्यात आले आहे.
तरी श्रीक्षेत्र अरणच्या विकासाचे भवितव्य ठरविणारा माळी समाजाचा हा भव्य मेळावा खऱ्या अर्थाने भव्य व्हावा यासाठी राज्यभरातील माळी समाज बांधवांनी प्रचंड संख्येने उपस्थित रहावे व माळी समाजाच्या एकजुटीचे प्रदर्शन घडवावे असे अवाहन मेळाव्याचे संयोजक कल्याण अखाडे यांनी केले आहे.
