सुप्रिया सुळे यांनी स्वत:च्या हातांनी शरद पवारांना बूट घातले..
मुंबई : महाराष्ट्र टुडे लाईव्ह न्यूज नेटवर्क…
गानकोकिळा भारतरत्न लता मंगेशकर यांनी रविवारी मुंबईच्या ब्रीच कँडी रुग्णालयात अखेरचा श्वास घेतला.त्यांच्या पार्थिवावर संध्याकाळी मुंबईच्या शिवाजी पार्क मैदानात शासकीय इतमामात अंत्यसंस्कार करण्यात आले.या गान कोकिळेला अखेरचा निरोप देण्यासाठी शिवाजी पार्क परिसरात हजारोंचा जनसमुदाय गोळा झाला होता. प्रचंड शोकाकुल वातावरणात त्यांना अखेरचा निरोप देण्यात आला.
यावेळी राजकारण, मनोरंजन क्षेत्रातल्या दिग्गजांनी हजेरी लावली होती.यावेळी एक फोटो सोशल मीडियावर प्रचंड व्हायरल झाला आहे.या फोटोची सोशल मीडियावर चांगलीच चर्चा होताना दिसत आहे.या फोटोत राष्ट्रवादी काँग्रेसचे अध्यक्ष शरद पवार आणि त्यांची कन्या खासदार सुप्रिया सुळे यांचा असून,या व्हायरल झालेल्या फोटोत सुप्रिया सुळे या शरद पवार यांच्या पायात बूट घालत आहेत.आणि विशेष म्हणजे त्यांच्या शेजारीच राज्यपाल भगतसिंह कोशारी आणि विरोधी पक्षनेते देवेंद्र फडणवीस उभे राहिलेले दिसून येत आहे. आणि यांच्यात घडलेली हा विशेष प्रसंग कॅमेऱ्यात कैद झाला आहे.
