बारामती : महाराष्ट्र टुडे लाईव्ह न्यूज
स्थानिक गुन्हे शाखेचे एक पथक वडगाव निंबाळकर पोलिस स्टेशन हद्दीत पेट्रोलिंग करीत असताना पथकास मिळालेल्या माहितीनुसार बारामती तालुक्यातील मुढाळे गावाच्या जिल्हा परिषद शाळेतुन कॉम्प्युटर स्क्रिन्स व शालेय आहार चोरी केल्याची घटना घडली होती,त्यानुसार वडगाव पोलीस ठाण्यात भा.द.वी कलम ४५४, ४५७,३८० हा गुन्हा दाखल आहे.
या चोरी प्रकरणात राजेंद्र मारुती जाधव वय.२८ वर्ष ( रा. ढाकाळे,ता.बारामती,जि.पुणे ) लक्ष्मण मल्हारी सकाटे,वय.३१ वर्ष ( रा.मुढाळे,ता.बारामती,जि.पुणे ) राहुल वसंत कोकाटे,वय. २० वर्ष ( रा.मुढाळे,ता.बारामती,जि.पुणे) या तिघांना ताब्यात घेत चौकशी केली असता,त्यांनी ही चोरी केल्याचे कबुल केले. चोरीस गेलेला कॉम्प्युटर स्क्रिन व शालेय मुलांचा पोषण आहाराची भांडी असा मुद्देमाल हस्तगत करण्यात आला आहे. आरोपींना पुढील तपासाकामी वडगाव निंबाळकर पोलीस ठाण्याच्या ताब्यात देण्यात आले आहे.
ही कारवाई पुणे ग्रामीण पोलिस अधिक्षक अभिनव देशमुख, अप्पर पोलिस अधिक्षक मिलिंद मोहिते, उपविभागीय पोलीस अधिकारी बारामती विभाग गणेश इंगळे यांच्या मार्गदर्शनाखाली स्थानिक गुन्हे शाखेचे वरिष्ठ पोलिस निरीक्षक अशोक शेळके, सहाय्यक पोलिस निरीक्षक संदिप येळे, पोलीस हवालदार रविराज कोकरे,आसिफ शेख,अभिजित एकशिंगे, पोलीस नाईक स्वप्निल अहिवळे राजापुरे यांनी केली आहे.
