बारामती : महाराष्ट्र टुडे लाईव्ह न्यूज
राष्ट्रवादी काँग्रेसचे सर्वेसर्वा पद्मविभूषण शरद पवार यांचा ८१ वा वाढदिवस विद्या प्रतिष्ठान एमआयडीसी,बारामती येथील गदिमा सभागृहात बारामती तालुका व शहर राष्ट्रवादी काँग्रेस पार्टीच्या वतीने तालुकाध्यक्ष संभाजी होळकर,बारामती पंचायत समिती सभापती नीता फरांदे,प्रांताधिकारी दादासाहेब कांबळे, उपमुख्यमंत्री अजित पवार यांचे खाजगी सचिव हनुमंत पाटील, पुणे जिल्हा मध्यवर्ती सहकारी बँकेचे संचालक मदन देवकाते, बारामती पंचायत समिती उपसभापती रोहित कोकरे आदींच्या हस्ते केक कापून साजरा करण्यात आला.
तसेच “वर्च्युअल रॅली” या कार्यक्रमाचे थेट प्रक्षेपण मुंबई येथून स्क्रीन वर करण्यात आले होते.यावेळी बारामती शहर राष्ट्रवादी महिला काँग्रेस पार्टीच्या अध्यक्षा अनिता गायकवाड,तालुका राष्ट्रवादी युवती अध्यक्षा भाग्यश्री धायगुडे,तालुका सोशल मीडिया चे अध्यक्ष सुनिल बनसोडे,सेंट्रल गव्हर्नमेंट ऑलिमकोचे अधिकारी गौरी साळुंखे व त्यांची टीम तसेच तालुका व शहरातील आजी माजी पदाधिकारी आणि ज्येष्ठ,दिव्यांग नागरिक तसेच कार्यकर्ते मोठया संख्येने उपस्थित होते
कार्यक्रमानंतर पद्मविभूषण शरद पवार,उपमुख्यमंत्री अजित पवार यांचे संकल्पनेतून व खासदार सुप्रिया सुळे यांच्या प्रयत्नातून राष्ट्रीय वयोश्री (एडीप) योजनेतून मंजूर झालेल्या बॅटरीवर चालणाऱ्या मोटारसायकलचे वाटप बारामती तालुक्यातील पात्र दिव्यांग व्यक्तींना वाटप करण्यात आले.
यावेळी तालुका व शहरातील प्रमुख पदाधिकारी,दिव्यांग नागरिक उपस्थित होते.
