बारामती : महाराष्ट्र टुडे लाईव्ह न्यूज
बारामती मध्ये गोरगरिबांसाठी शासनाकडून मिळालेल्या रेशन धान्यांची वारंवार काळ्या बाजारात चढ्या भावाने विक्री होत असल्याचे गुन्हे दाखल असून वारंवार रेशन मालाची काळ्या बाजारात विक्री कशी काय होते ? बारामतीचा पुरवठा विभाग याकडे जाणीवपूर्वक दुर्लक्ष का करतोय ? असा प्रश्न देखील आता सर्वसामान्यांना उपस्थित होत आहे.यावरूनच एकंदरीत पुरवठा विभागाच्या गलथान कारभाराचे चित्र उघड झाल्याचे दिसून येत आहे.योग्य वेळी रेशन दुकानदारांचे परवाने पुरवठा विभागाने निलंबित,केले तर अशा प्रकारांना आळा देखील बसू शकतो,मात्र पुरवठा विभागातील काही अधिकाऱ्यांच्या अर्थपूर्ण तडजोडीमुळे याकडे जाणीवपूर्वक दुर्लक्ष होते अशी चर्चा नागरिकांमध्ये ऐकावयास मिळत आहे.यामुळे आता गेल्या आठवड्यामध्ये व आता गुन्हा दाखल झालेल्या रेशन दुकानदारांचे परवाने पुरवठा विभाग निलंबित करणार का ? हे पाहणे देखील महत्त्वाचे ठरणार आहे.
बारामती शहरामध्ये गरजूंना आलेला रेशनिंगचा तांदूळ संगनमताने खुल्या बाजारात विकणाऱ्या मोहन शंकर रणदिवे (नीरा-बारामती रोड,नंदन पेट्रोल पंपसमोर ) वाहनचालक सोमनाथ रामचंद्र भापकर दनाने ( रा.सटवाजीनगर,बारामती ) या दोघांवर शहर पोलीस ठाण्यात गुन्हा दाखल करण्यात आला आहे.याप्रकरणी त्याच्या ताब्यातील गाडीसह २५ पोटी तांदूळ असा तब्बल १ लाख ७८ हजार ७५० चा मुद्देमाल हस्तगत करण्यात आला आहे.
मिळालेल्या अधिक माहितीनुसार स्वस्त धान्य दुकानात गरजूंना वितरित होणारा तांदूळ हा सदर संशयित आरोपींनी खरेदी करून तो खुल्या बाजारात चढया भावाने विक्रीकरिता खाजगी पोत्यामध्ये भरून विनापरवाना मालवाहतूक गाडी क्र. MH.42 AQ 3603 गाडीमध्ये रेशनिंगचे मालाची चढ्या भावाने काळ्या बाजारात विक्री करण्याचे उदेशाने घेवून जात असल्याची माहिती मिळाली असता,पोलिसांना त्यांना ताब्यात घेतले असता,या वाहनात एकूण २५ पिशव्या तांदूळ आढळून आला,या वाहनाचा वाहन चालक सोमनाथ भापकर यांच्याकडे विचारणा केली असता,या पिशव्यांमध्ये तांदूळ असून तो मोहन रणदिवे यांच्या दुकानातील असून,तो बारामती मार्केट यार्ड या ठिकाणी विक्रीसाठी घेऊन जाण्यासाठी रणदिवे यांनी सांगितले असल्याचे चालकाने कबूल केले.यामध्ये तांदूळाने भरलेली खाकी रंगाची सरकारी शिक्का असलेली पोती,तसेच मालवाहतूक करणारी फिक्कट पिवळया रंगाची गाडी असा एकूण १ लाख ७८ हजार ७५० रुपयांचा मुद्देमाल पोलिसांनी हस्तगत केला आहे.पुढील तपास शहर पोलीस करीत आहेत.
ही कारवाई पुणे ग्रामीण पोलीस अधीक्षक डॉ.अभिनव देशमुख, अप्पर पोलीस अधीक्षक मिलिंद मोहिते,उपविभागीय पोलीस अधिकारी गणेश इंगळे यांच्या मार्गदर्शनाखाली पोलिस निरीक्षक सुनील महाडिक पोलीस,पोलीस उपनिरीक्षक सागर ढाकणे, पोलीस नाईक दशरथ कोळेकर पोलीस नाईक खांडेकर,पोलीस नाईक,तुषार चव्हाण,पवार यांनी केलेली आहे.
बातमी चौकट :
सदर प्रकाराची माहिती पुरवठा निरीक्षक स्वामी यांना देऊनही,स्वामींनी याकडे दुर्लक्ष केले,पोलीस स्टेशनचे पत्र आल्यानंतर आम्ही पुढची कारवाई करू अशी उडवा उडवीची उत्तरे देणाऱ्या अधिकाऱ्यांमुळेच अशा घटनांना वाव मिळतो आहे, लवकरच या प्रकरणासंदर्भात महसूल मंत्र्यांशी बोलणार आहे.
भालचंद्र महाडिक ( संस्थापक अध्यक्ष सजीव संरक्षण व बहुउद्देशीय सामाजिक संघटना )
