फलटण : महाराष्ट्र टुडे लाईव्ह न्यूज
फलटण शहर पोलीसांनी बेकायदेशीर अंमली पदार्थ गांजावर धडक कारवाई करत, सुमारे २ किलो ५९२ ग्रॅम वजनाचा १० हजार ८०० रुपयांचा मुद्देमाल जप्त केला आहे.याबाबत फलटण शहर पोलीसांनी दिलेल्या माहितीनुसार बुधवारी सायंकाळी फलटण शहर पोलीसांना गोपनीय बातमीदारामार्फत माहिती मिळाली की,फलटण शहरामध्ये पाचबत्ती चौक फलटण या ठिकाणी दस्तगीर महम्मद शेख त्यांची पत्नी आयशा दस्तगीर शेख असे गांजा विक्री करत आहेत.माहिती मिळाल्यानंतर मिळालेल्या माहितीचा आशय समजावून सांगुन छापा टाकण्यासाठी नायब तहसिलदार श्रीमती संजीवनी सावंत सरकारी पंच,वजनमापे करणारे, फोटोग्राफर यांच्यासह मिळालेल्या बातमीच्या ठिकाणी पाचबत्ती चौक फलटण येथे दस्तगीर महम्मद शेख याच्या राहत्या घरी जावून छापा कारवाई केली.
यावेळी संशयित दस्तगीर महम्मद शेख त्याची पत्नी आयशा दस्तगीर शेख यांच्या ताब्यात २ किलो ५९२ ग्रॅम वजनाचा २० हजार ८०० रुपयांचा गांजा मिळुन आला.सदर मुद्देमाल हस्तगत करत,पंचनामा करून तो पंचासमक्ष जागीच सिलबंध करण्यात आला.फलटण शहर पोलिसांनी आरोपीवर गुन्हा दाखल केला आहे.या गुन्हयाचा तपास पोलीस उपनिरीक्षक सुरज शिंदे हे करीत आहेत.ही कारवाई सातारा पोलीस अधीक्षक अजयकुमार बन्सल अप्पर पोलीस अधिक्षक,अजित बोराडे,उपविभागीय पोलीस अधिकारी तानाजी बरडे, उपविभागीय पोलीस अधिकारी निलेश देशमुख यांच्या मार्गदर्शनाखाली सहाय्यक पोलीस निरीक्षक नवनाथ गायकवाड,पोलीस नाईक शरद तांबे,पोलीस महिला कर्मचारी अनिता गाडेकर,रुपाली कुंभार, पोलीस कर्मचारी बगले,गणेश ठोंबरे,चंद्रकांत घापते,कर्पे,माने मदने यांनी केली आहे.
