सातारा : महाराष्ट्र टुडे लाईव्ह न्यूज
उपमुख्यमंत्री अजित पवार यांच्या हस्ते खटाव प्राथमिक आरोग्य केंद्राच्या नियोजित इमारतीचे भूमिपूजन करण्यात आले.यावेळी बोलताना पवार म्हणाले,सातारा जिल्ह्यातील नागरिकांना उपचारासाठी पुणे,मुंबई या ठिकणी जावे लागत असून,त्यांची गैरसोय होऊ नये तसेच कोरोनाच्या पाहिल्या व दुसऱ्या लाटेत प्राथमिक आरोग्य केंद्र, ग्रामीण रुग्णालयात सुविधा वाढविण्यावर शासनाने भर दिला.कोरोना संसर्गामुळे ऑक्सिजनचे महत्व सर्वांना पटले.रुग्णांना ऑक्सिजन कमी पडू नये म्हणून बाहेरील राज्यातूनही ऑक्सिजनचा पुरवठा करण्यात आला.कोरोना बाधित उपचारापासून वंचित राहू नये म्हणून जिल्हा वार्षिक योजनेतून ३० टक्के निधी खर्च करण्यास मान्यता देण्यात आली.
राज्य शासनाने नागरिकांच्या आरोग्यासाठी निधीची भरीव तरतूद केली आहे.राज्यातील प्राथमिक आरोग्य केंद्र,ग्रामीण
रुग्णालये सर्वसोयींनी युक्त उभे करण्यात येतील.खटाव येथील नवीन बांधण्यात येणारे प्राथमिक आरोग्य केंद्र वैभवात भर घालणारे ठरेल.या प्राथमिक आरोग्य केंद्राला आवशयक मनुष्यबळ देण्यात येईल अशी ग्वाही पवार यांनी दिली. पालकमंत्री पाटील म्हणाले, कोरोना संसर्गामुळे प्राथमिक आरोग्य केंद्र,ग्रामीण रुग्णालये यांचे महत्व खूप वाढले आहे. खटाव येथील प्राथमिक आरोग्य केंद्राची वास्तू चांगली उभी राहील व या वास्तुमधून सर्वसामान्यांना आरोग्य सेवा देण्याचे काम होईल.पहिली व दुसऱ्या लाटेत आरोग्य विभागने चांगले काम कले असून तिसऱ्या लाटेसाठीही प्रशासन सज्ज आहे.यावेळी विधान परिषदेचे सभापती रामराजे नाईक निंबाळकर, सहकारमंत्री बाळासाहेब पाटील, खासदार श्रीनिवास पाटील,जिल्हा परिषद अध्यक्ष उदय कबुले,आमदार शशिकांत शिंदे जिल्हाधिकारी शेखर सिंह,मुख्य कार्यकारी अधिकारी विनय गौरा,जिल्हापरिषद उपाध्यक्ष प्रदिप विधाते
पोलीस अधिक्षक अजय कुमार बन्सल,जिल्हा आरोग्य अधिकारी राधाकिशन पवार आदि उपस्थित होते.
